حیدرآباد۔12۔فروری(اعتماد نیوز)آج لوک سبھا اور راجیہ سبھا میں سیما آندھرا
قائدین نے ریاست کی تقسیم کے خلاف پہلی مرتبہ بڑے پیمانہ پر احتجاج
کرنے پر اجلاس کی کاروائی مکمل طور پر مفلوج رہی ۔چنانچہ آج مرکزی وزیر
ریلوے ملکھارجنا کھرگے نے جیسے ہی ریلوے بجٹ کو پیش کرنے کا اعلان کیا تو
چاروں طرف سے سیما آندھرا کے ارکان اور سیما آندھرا کے مرکزی وزرا نے متحدہ
آندھرا پردیش کی تائید میں نعرے بازی کی۔ اسی دوران سیما
آندھرا کے دیگر
ارکان نے تلنگانہ مسودہ بل کے نقول کو عین اجلاس میں پھاڑ کر پھینک دیا۔
جسکے نتیجہ میں تلنگانہ علاقہ کے ارکان نے برہمی کے عالم میں انہوں نے بھی
نعرے بازی کرتے ہوئے سیما آندھرا کے قائدین کے جواب میں جئے تلنگانہ کے
نعرے لگائے۔ دونوں علاقوں کے ارکان کے نعروں کے باعث مرکزی وزیر ریلوے نے
اندرن دس منٹ اپنی تقریر کو ختم کر دیا۔ چنانچہ صورت حال کو دیکھتے ہوئے
اسپیکر لوک سبھا میرا کمار نے اجلاس کو ملتوی کرنے کا اعلان کیا۔